Meta
Ku e website akí tokante señor Elis Juliana ta kumpli ku diferente meta. Na promé lugá e ta duna públiko oportunidat pa haña mas informashon tokante e ilustre inbestigadó i artista Elis Juliana. Tambe e website ke logra pa prinsipalmente hóbennan sera konosí ku Ompi Elis ku por siña nan masha hopi di historia i kultura di Kòrsou. Kaminda a reprodusí obranan di Elis Juliana a mantené mas tantu posibel e ortografia original ku el a uza. Inbestigadónan por haña riba e website dato relevante relashoná ku terenonan ku Elis Juliana a inbestigá i deskribí. Hende di pafó di Kòrsou por sera konosí ku un di e figuranan mas importante di Karibe ora ta trata inbestigashon i deskripshon di folklor lokal i karibeño, pasobra trabou di Elis Juliana ta surpasá fronteranan nashonal. E ta finalmente tambe un inspirashon i invitashon pa traha websitenan paresidu pa otro figuranan di importansha nashonal. Ta e intenshon pa den futuro Curanet traha mas website tokante otro outor i figuranan importante di Kòrsou i posibelmente Antia, kubriendo asina henter nos herensia kultural.
Naturalmente un website no por kubri tur aspekto di e mas ku sinkuenta añanan di trabou intensivo riba mas ku dies tereno di siensia i arte ku Juliana a praktiká. E ta sí un muestra di kuantu dimenshon Elis Juliana tin i kuantu inbestigashon ainda ta keda pa nos hasi.

Struktura
E kapítulonan prinsipal dje website ta:

Tokante Elis Juliana
Biografia
Antropólogo
Inbestigadó
Estilo
Dokumentalista
Filósofo
Edukadó
Etnomusikólogo
Presentadó
Pintor
Skultor

Julianismo

Bibliografia

Novedat

Rekomendashon

Formanan di Difushon

Oudio

Vidio

Foro

Kontakto

Kontinuashon
E Proyekto Website Elis Juliana ta kontinuá den futuro ku un cd-rom edukativo i un pakete pa skol tokante Elis Juliana ku ta kontené tambe enkargo pa hasi riba e diferente terenonan ku maestro Juliana a traha. Nos ta habrí pa bo sugerensha. Fabor bai na e rúbrika Kontakto dje website akí pa mas informashon kon manda esakinan.

Fuente
Teksto dje website akí ta basá riba diferente trabou ku drs. Joceline Clemencia a skirbi i presentá durante añanan tokante Elis Juliana. Entre nan tin:
- Opi i e gran kamuflahe, publiká pa Teritorio Insular di Kòrsou, Kòrsou 1988.
- Het grote camouflagespel van de OPI, publiká pa Departamentu Karibeño di Koninklijk Instituut voor Taal-, Land- en Volkenkunde, Leiden 1989
- E sine dokumental Su solo ta grandi/ Zijn uitstraling is groot, dirigí pa Franklin Benito i Loeki Nicolaas, produsí pa Feduco Federatie Educatieve Omroepen. (Amsterdam)
- Elis Juliana Inbestigadó, Piedra di Mulina. Museo Nashonal di Arkeologia i Antropologia, Kòrsou 2003.
- Entrevistanan hasí na 1986, 2002 i 2003 ku Elis Juliana. E últimonan akí ta indiká ku e lèternan EJ-JC i e aña dje entrevista enkestion.
- Kaminda a reprodusí poesia, sitado òf otro teksto di Juliana a trata na mantené mas tantu posibel ortografia ku e outor a uza.